Katiuska Quiñones

Mi Pais

Lenganan por a kòrta heru i skupi glas
den mi frenta pa lincha mi
ora e marioneta
ku ta traha pa konsulado ‘i mi pais a haña skèr na un isla chikí,
ku awor ta mi kas.
Porfin e marioneta por hala rosea.
Mi por baila, mi por krea.
Mi por, mi por skohe.
Mi ta kòrta hilu,
i para ariba ku mi no ta bisti kòrá.
Nò. Kòra, nò.
Partido kòrá, polítiká.
Bo mester bisti kòrá.
Pa representá bo patria.
Nò. Kòrá, nò.
Bo mester bisti kòrá, ta nos marioneta bo ta.
Council ‘i mi pais,
kara fròns, wowo skur, moketa será.
Skouder hanchu di sòldá pa spanta mi,
mandá fo’i mi patria, pa kita mi fo’i mi puesto.
I ami? Trankil
Bo ke dal mi?
Aki nos ta sivilisá tòg?
Rabia ta stoba bou ’i nan kueru
pone nan soda i kunsumí.
Gruña den djente. Bati mesa, instagá…
I ami? trankil.
Pero mi sa, mi pais,
lo bo no wak mi mas.
Paso e modus operandi ta,
nan ta pone bo disparsé.
Si bo no ke hasi òf papia loke nan ke,
pa bo nanishi bira largu, i pa semper bo keda di palu.
Nan ta zag bo pal’i pia.
Veila bo boka te bo kampana.
Saka delaster un skruf fo’i bo kurpa, dal nan koriente,
i loke sobra tira pa komehein kaba kune.
Nunka mas nan lo sa di bo
Oh mi pais.
Kon por ta posibel ku pa problemanan
polítiko lo bo no wak mi nunka mas?
Oh mi patria stimá
M’a pèrdè mi pais i abo un yu mas.

Basá riba eksperensianan di Franklin Salgado