Katiuska Quiñones

Den boto chikí

Den boto chikí, chikí pèrtá
nos tur ta ban den laman
mañan.

Mane saldinchi den bleki.
Nos tur ke maske un ta un snechi,
di pan, kuminda i remedi.
Pa nos por biba na drechi.

Den boto chikí, chikí pèrtá
nos tur ta ban den laman
mañan.

Lagando famia, trabou i mas.
Purbando nos suerte na Curaçao.
Den sukú i ola,
kuidou ku warda kosta.

Den boto chikí, chikí pèrtá
nos tur ta ban den laman
mañan.

Na Noordkant laman ta brutu.
Barankanan ta skèrpi.
Nos tur lo no yega bibu.
Pero, nos ta ban,
den nòmber di Kristu.

Den boto chikí, chikí pèrtá
nos tur ta ban den laman
Mañan.